Tývada shaýrmadan 160 adam ýlandy
KRASNOıARSK. QazAqparat - Reseıge qarasty Týva eliniń Kyzyl qalasynda shaýrmadan ýlanǵandar sany 160-ǵa jetti, dep habarlaıdy TASS Respýblıkanyń densaýlyq saqtaý mınıstrliginiń baspasóz qyzmetine silteme jasap.
«Aýrýhanaǵa jetkizilgender sany burynǵysha. Olardyń jaǵdaıy jaqsardy, aýyr halde jatqandar joq. Dárigerdiń kómegine júgingender sany 160 adamǵa jetti. Búgin taǵy bes adam keldi, olardyń barlyǵy statsıonarda em qabyldap jatyr», - dedi densaýlyq saqtaý mınıstrligi.
Tývada ishek ınfektsııasy indeti «Shaýrma» qoǵamdyq tamaqtaný ornyna kelýshiler arasynda shyqqan.
Sársenbidegi derek boıynsha, zardap shekkender sany 155-ke jetken, olardyń 80-i aýrýhanada jatyr (sonyń ishinde 16 adam turaqty aýyr halde jatyr).
