Tutynýshylyq nesıeniń jyldyq syıaqy mólsherlemesi tómendemek

ASTANA. QazAqparat – Qarjy naryǵyn retteý jáne damytý agenttigi «Syıaqynyń jyldyq tıimdi mólsherlemesiniń shekti mólsherin bekitý týraly» QR Ulttyq Banki basqarmasynyń qaýlysyna ózgeris engizý jóninde joba ázirledi, dep habarlaıdy QazAqparat tilshisi.

«Ekinshi deńgeıli bankter, bank operatsııalarynyń jekelegen túrlerin júzege asyratyn uıymdar beretin bank qaryzdary boıynsha kepilsiz bank qaryzdary boıynsha 44%, mıkroqarjylyq qyzmetti júzege asyratyn uıymdar beretin mıkrokredıtter boıynsha 44% bolyp bekitilsin», - delingen qujatta.

Qaýly jobasyna qosymsha berilgen túsindirme qujatta bul bastamanyń tutynýshylyq nesıeniń jyldyq tıimdi syıaqy mólsherlemesin tómendetý úshin usynylyp otyrǵany kórsetilgen.

«Qaýly jobasy kepilsiz tutynýshylyq kredıtter úshin jyldyq tıimdi syıaqy mólsherlemesin 56%-dan 44%-ǵa deıin tómendetý maqsatynda ázirlendi», - dep túsindirme berilgen qaýlyǵa.

Qujat 29 naýryzǵa deıin kópshilik talqylaýda bolady.