Tutynýshylardyń quqyqtaryn qorǵaý qoǵamdyq uıymdary attestattaýdan ótedi
ASTANA. 14 naýryz. QazAqparat - Tutynýshylardyń quqyqtaryn qorǵaý qoǵamdyq uıymdary attestattaýdan ótedi. Bul týraly búgin Dúnıejúzilik tutynýshylar kúnine oraı ótken Máskeý - Astana - Kıev beınekópir barysynda QR básekelestikti qorǵaý agenttigi tutynýshylar quqyǵyn qorǵaý basqarmasynyń bastyǵy Ásem Bakınbaeva málim etti.
«2013 jyly QR básekelestikti qorǵaý agenttigi tutynýshylardyń quqyqtaryn qorǵaý baǵytynda zań jobasyn daıyndaýǵa bastama kóterdi. Atalmysh zań jobasynyń basty tujyrymdamalyq negizderi - tutynýshylardyń quqyqtaryn qorǵaý qoǵamdyq uıymdaryn memlekettik qoldaý jáne tutynýshylar uıymdaryn attestattaýdan ótkizý. ıAǵnı memleket olarǵa qoldaý kórsete otyryp, qoǵamdyq uıymdarǵa qoıylatyn talapty da kúsheıtpek. Attestattaýdyń barysynda - olardan «Tutynýshylar quqyǵyn qorǵaý týraly» zań biliktiligi tekseriletin bolady», - dep atap kórsetti Á.Bakınbaeva.
2010 jylǵy mamyrda «Tutynýshylardyń quqyqtaryn qorǵaý týraly» Zań qabyldandy. Osy zań qabyldanǵanǵa deıin tutynýshylardyń quqyqtaryn qorǵaý máselelerimen qoǵamdyq birlestikter aınalysty.
