Tutynýshylardyń quqyǵyn qorǵaýǵa qatysty zań jobasyna depýtattar 168 túzetý men tolyqtyrý engizgen
ASTANA. Qarashanyń 16-sy. QazAqparat /Aıdyn Báımen/ - Zań jobasyn qaraý barysynda jumys toby taýardyń qyzmet etý ýaqytyn, jaramdylyq merzimin aıqyndaý baǵytyndaǵy mańyzdy túzetýler engizdi.
«Tutynýshylar quqyqtaryn qorǵaý týraly» zań jobasyna qorytyndy bergen Májilistiń Ekonomıkalyq reforma jáne óńirlik damý komıteti jumys tobynyń qyzmeti men depýtattardyń belsendiligin osylaı atap ótken, dep habarlaıdy QazAqparat.
Depýtattar bul zań jobasymen tyńǵylyqty jumys jasaǵan. Onyń ózi qorytyndy salystyrma kesteden de kórinip tur. Parlamentshiler úkimettik zań jobaǵa jańadan 168 túzetý men tolyqtyrý engizgen.
Zań jobasyn qabyldaý tutynýshy men óndirýshiniń ózara qarym-qatynastary protsesinde týyndaıtyn qarym-qatynastaryn retteýdiń tıimdi júıesin jasaýǵa múmkindik beredi. Sondaı-aq tutynýshylardyń quqyqtaryn qorǵaý salasyndaǵy jeke jáne zańdy tulǵalardyń qazirgi áleýmettik, kommertsııalyq jáne basqa da qatynastaryn jolǵa qoıýǵa jáne bul jumysqa Qazaqstannyń úkimettik emes uıymdaryn tartýǵa jaǵdaı jasaıdy.
