Tutynýshylardyń quqyǵyn qorǵaý týraly zań jobasyna qatysty qos palata arasynda kelisim komıssııasy qurylady - Májilis
qpannyń 17-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýattary «Tutynýshylardyń quqyqtaryn qorǵaý týraly» zań jobasyna Parlament Senaty engizgen ózgeristerdi talqylady. Ol boıynsha qos palata arasynda kelispeýshilikterdi eńserý úshin kelisim komıssııasyn qurý týraly sheshim qabyldandy,
dep habarlaıdy QazAqparat.
Qazirgi kúni qoldanystaǵy tutynýshylar quqyqtaryn qorǵaý salasyndaǵy qatynastardy retteıtin zańnamalyq akti 1991 jylǵy qańtardyń 5-inde qabyldanǵan «Tutynýshylardyń pravolaryn qorǵaý týraly» Qazaq KSR zańy bolyp tabylady. Osyǵan baılanysty atalǵan zań jobasy jańa redaktsııada jasalyp otyr. Qujattyń maqsaty osy saladaǵy zańnamany el ekonomıkasynyń qazirgi talaptaryna jáne qoldanystaǵy basqa da zańnamalarǵa sáıkes keltirý bolyp tabylady. Sonymen birge, tutynýshylardyń qorǵaý júıesiniń naqty tetigi búgingi kúnge deıin qalyptaspaǵandyqtan olardyń quqyqtaryn qorǵaý problemasy ózekti másele bolyp tabylady.
Qujatty talqylaý barysynda Parlament Senaty Májilis maquldaǵan zań jobasyna birqatar túzetýler engizgen bolatyn. Atap aıtqanda, joǵary palata depýtattary «tutynýshy» uǵymyn naqtylap, tutynýshylardyń quqyǵyn kózdeıtin normalardy tolyqtyra túsken. Jalpy senatorlar qujatqa qatysty 40 túzetýdi usynǵan bolatyn. Talqylaý barysynda Májilis depýtattary bulardyń basym bóligimen kelispeıtindikterin bildirdi. Osyǵan oraı, zań jobasy boıynsha kelisim komıssııasy qurylyp, onyń quramyna tómengi palatadan depýtat B. Álimjanov, S. Bychkova, A. Solovevalar saılandy.
