Tutynýshylardyń quqyǵyn qorǵaý komıteti «ABDI» dúkeniniń qyzmetine qatysty túsinik berdi
Biz atalǵan komıtetke «ABDI» keńse taýarlary dúkeniniń A3 jáne A4 qaǵazyn satyp alý úshin qosymsha keńse taýaryn satyp alý mindetin qoıǵany qanshalyqty zańdy degen saýal joldadyq.
«QR tutynýshylardyń quqyǵyn qorǵaý týraly zańnyń 28 baby 1 jáne 1-1 tarmaǵyna sáıkes atalǵan áreket zań buzýǵa jatady», - deıdi komıtetten.
ıAǵnı joǵaryda atalǵan zańnyń 28 babynda satýshy (daıyndaýshy, oryndaýshy) taýardy erkin tańdaýdy qamtamasyz etýge mindetti:
28 baptyń 1 tarmaǵyna sáıkes satýshy tutynýshyǵa yńǵaıly ýaqytta tıisti sapadaǵy taýardy (jumys, qyzmet) erkin tańdaýdy qamtamasyz etýge mindetti. Tutynýshyǵa taýardy belgili bir mólsherde nemese májbúrlep satýǵa tyıym salynady.
Sondaı-aq, sol baptyń 1-1 tarmaǵy boıynsha belgili bir taýardy alý úshin ekinshi (qosymsha) taýardy satyp alýǵa mindeteýge tyıym salynady.
Odan bólek, tutynýshylardyń quqyǵyn qorǵaý týraly zańnyń 7-babynda tutynýshylardyń barlyq quqyǵy kórsetilgen. Onyń qatarynda tutynýshylardyń taýardy erkin tańdaý quqyǵy da bar.
Osy oraıda Tutynýshylar quqyǵyn qorǵaý komıteti otandyq tutynýshylarǵa birneshe keńes berdi.
Tutynýshynyń tańdaý quqyǵy buzylǵan jaǵdaıda kásipker qandaı jaýapkershilikke tartylady?
Eger tutynýshy shaǵym túsirse jáne oǵan 10 kúnniń ishinde jaýap bermese (nemese kesh jaýap berse) kásipkerdi ákimshilik jaýapkershilikke tartýǵa bolady. Odan ári satyp alýshy tutynýshylardyń quqyǵyn qorǵaý týraly óńirlik organǵa shaǵymmen júgine alady. Ýákiletti organ bıznes sýbektisin tekseredi. Eger fakti rastalsa, onda ákimshilik jaýapkershilikke tartylady.
Tutynýshy óz quqyǵyn qalaı qorǵaı alady?
Tutynýshy óz quqyǵyn qorǵaý úshin ony bilý kerek. ıAǵnı birinshe kezekte tutynýshylardyń quqyqtaryn qorǵaý týraly zańmen tanysqan jón. Sonymen qatar QR ÁQBtK-niń tutynýshylardy aldaý, jańylystyrý taǵy sol sııaqty baptaryn zerdelegen abzal. Sol sııaqty tutynýshy quqyǵy buzylǵan jaǵdaıda kez kelgen azamat quzyrly organǵa júgine alady.