Tutynýshylardyń kommýnaldyq qyzmetterge qaryzy 7,5 mlrd. teńgeni quraıdy
ASTANA. 28 jeltoqsan. QazAqparat /Marlan Jıembaı/ - Aǵymdaǵy jyldyń 27 jeltoqsandaǵy jaǵdaı boıynsha tutynýshylardyń kommýnaldyq qyzmetter úshin debıtorlyq qaryzdary 7,5 mlrd. teńgeni qurady.
Bul týraly búgin Úkimettiń selektorlyq rejimdegi otyrysynda Qurylys isi jáne turǵyn úı kommýnaldyq sharýashylyq agenttigi tóraǵasynyń orynbasary Jandos Ákimjanov málim etti.
Onyń alǵa tartqan derekterine sáıkes, jylý berý maýsymy bastalǵan 19 qazandaǵy jaǵdaı boıynsha tutynýshylardyń kommýnaldyq qyzmetter úshin debıtorlyq qaryzdary 8,1 mlrd. teńgeni quraǵan. Degenmen júrgizilgen jumystardyń nátıjesinde qaryz 600 mln. teńgege qysqarǵan.
«Jylý berý kezeńin normatıvti júrgizýdiń mańyzdy quramy kommýnaldyq qyzmetter úshin tólemderdi jınaýdy qamtamasyz etý bolyp tabylatyndyǵyn atap ótken oryndy. Ákimdikter atalǵan baǵytta jumystar júrgizýde. Degenmen ol debıtorlyq qaryzdardyń aıtarlyqtaı tómendeýine jol ashyp otyrǵan joq. Bul óz kezeginde jylý berý maýsymy barysyna áser etedi», - dedi ol.
