Tutynýshylardy aldaǵany úshin General Motors kontsernine asa kólemdi aıyppul salynýy múmkin
ASTANA. QazAqparat - AQSh-tyń ádilet mınıstrligi General Motors avtomobıl kontserniniń kóliktiń otaldyrý júıesindegi aqaýlyq týraly der kezinde habarlamaǵan áreketin zańsyz dep tapty, dep jazdy RBK.
2014 jyldan bastap AQSh-tyń Ádilet mınıstrliginiń tergeýshileri 2009 jyly kompanııa bankrot dep tanylý kezinde joǵarydaǵy jaıtqa baılanysty zańǵa qarsy áreket jasaǵanyn ne jasamaǵanyn tekserdi. Nátıjesinde olar General Motors kem degende 104 adamnyń ólimine sebep bolǵan kóliktegi aqaýlyq týraly habarlamaǵanyn anyqtaǵan.
Bul aqaýlyqtar saldarynan júrip bara jatqan kezde qozǵaltqysh isten shyǵyp, al ol toqtaý júıesinde aqaýlyq týdyryp, qaýipsizdik júıesin sóndirgen. Osyǵan baılanysty qaıǵyly aıaqtalǵan jol-kólik apattary 1990 jyldary oryn alǵan. Alaıda kontsern aqaýlyǵy bar kólikterin 2014 jyldyń aqpanynda ǵana qaıtara bastaǵan. Jalpy kontsern álem boıynsha 30 mln avtomobılin keri qaıtardy. 2015 jyly korporatsııa 92 myń kólikti qaıtardy. GM otaldyrý júıesindegi olqylyqtyń kóliktiń ózdiginen toqtaýyna ákeletinin jáne bul kezde qaýipsizdik jastyqshalary jumys istesmeıtinin eskertti. Kontsern kóliktiń otaldyrý júıesindegi aqaýlyq saldarynan qaza tapqandardyń januıalaryna $1 mln tóledi. Kontsern rekordtyq kólemde aıyppul tóleýi múmkin. Osy jazda sheshim qabyldanady dep kútilýde. Aıyppul somasy atalmady, alaıda onyń kólemi $1,2 mlrd-tan asýy múmkin. Qazirgi ýaqytta 2014 jyly jumystan shyǵarylǵan General Motors-tyń burynǵy qyzmetkerleri tergelip jatyr.
