Tutynýshylardan túsetin shaǵymnyń 39,3 %-y medıtsınalyq qyzmet sapasymen baılanysty

ASTANA. QazAqparat – Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın tutynýshylardan túsetin shaǵymnyń 39,3 %-y medıtsınalyq qyzmet sapasymen baılanysty ekenin málim etti, dep habarlaıdy QazAqparat tilshisi.

«Tutynýshylardyń quqyqtaryn buzýshylyqtar týraly ótinishterdiń sany jyl saıyn 20% ósip keledi. 2022 jyly mınıstrlikte 30,2 myńnan astam ótinish qaraldy. Osyǵan uqsas jaǵdaı ózge memlekettik organdarda da baıqalýda. 2022 jyly 50 myńǵa jýyq ótinish kelip tústi», - degen mınıstr ótinish eń kóp túsetin salalardy atady.

Olar:

- bólshek saýda – 48%;

- turmystyq qyzmetter – 19%;

- elektrondyq saýda – 9%;

- turǵyn úı-kommýnaldyq sharýashylyq – 5,6%.

Ótinishterdiń sany myna salalarda eń kóp ósken:

- qoǵamdyq tamaqtaný – 188%;

- kólik qyzmeti – 143%;

- medıtsınalyq qyzmet – 113%;

- baılanys qyzmeti – 102%.

«Elimizde azamattardyń kóbi myna salalar boıynsha narazylyq bildiredi:

- medıtsınalyq qyzmet – 39,3%;

- baılanys qyzmeti (ınternet-provaıder) – 33,3%;

- qoǵamdyq kólik qyzmet – 30,7%;

- qoǵamdyq tamaqtaný – 24,4%», - dedi Serik Jumanǵarın Úkmiet otyrysynda.