Tutynýshylardan shaǵym qabyldaıtyn platforma iske qosylmaq

NUR-SULTAN. QazAqparat – Saýda jáne ıntegratsııa mınıstrligi tutynýshylardan shaǵym qabyldaıtyn Biryńǵaı platformany iske qospaq, dep habarlaıdy QazAqparat tilshisi.

«Tutynýshylardyń quqyqtaryn qorǵaý týraly zańnyń jańa normalary sheńberinde mınıstrlik «bir tereze» qaǵıdaty boıynsha tutynýshylardan shaǵymdardy qabyldaýdyń Biryńǵaı platformasyn iske qosýdy kózdeıdi. Ol tutynýshyǵa óz quqyqtaryn qorǵaýǵa, sondaı-aq bilimin jáne bıznes mádenıetin onlaın rejımde jetildirýge múmkindik beredi. Búgingi tańda tutynýshylardyń quqyqtaryn qorǵaý boıynsha marketpleıs taqyryby Dúnıejúzilik saýda uıymynyń, Eýrazııalyq ekonomıkalyq odaǵy men Ekonomıkalyq yntymaqtastyq jáne damý uıymynyń kún tártibindegi trend ekenin atap ótý kerek», - dedi Baqyt Sultanov Úkimet otyrysynda.

Onyń aıtýynsha, mınıstrlik Saýdany damytýdyń 2021-2025 jyldarǵa arnalǵan memlekettik baǵdarlamasy aıasynda saýdany damytýdyń monıtorıngi men taldaýynyń biryńǵaı aqparattyq-taldaý júıesin quryp, elektrondyq saýda naryǵynyń statıstıkalyq esebin, taldamalyq jáne marketıngtik zertteýlerin jetildirý, elektrondyq platformalardy damytý jáne keńeıtý, fýlfılment ortalyqtarynyń jelisin keńeıtý, kásipkerlerdi oqytý jónindegi e-commerce ortalyqtaryn ashý boıynsha birqatar sharany iske asyrmaq.