Tutynýshylardan 600 mln. teńge óndirmekshi bolǵan kásiporynnyń áreketi áshkerelendi
ASTANA. QazAqparat - Elordalyq prokýratýra tutynýshylardan zańsyz 600 mln. teńge óndirmekshi bolǵan kásiporynnyń zańsyz áreketin anyqtady, dep habarlaıdy «QazAqparat» HAA tilshisi vedomstvonyń baspasóz qyzmetine silteme jasap.
Úsh sharýashylyq júrgizýshi sýbekt 18 000-nan astam azamattar men zańdy tulǵalardy qarjylyq daýlaryna zańsyz aralastyryp, olarǵa qaryz qarjyny tóletpek bolǵan. Astana Eko-Polıgon «AstanaGorkommýnhozǵa» ǵımaratyn jáne elektr berý jelisin paıdalanǵany úshin 610 mln teńge bereshek bolǵan.
Talap etý quqyǵynan sheginý sharty boıynsha qaryzdy «Astana Tazartý» JShS óz moınyna alǵan, keıin kásiporyn qaryzdy óteý mindetin elordalyq azamattar men zańdy tulǵalarǵa júktegen.
«Kórsetilgen kelisimdi negizge ala otyryp, atalǵan kásiporyndar arasynda sotpen bekitilgen medıatıvti kelisim jasaldy. Tutynýshylar tarapynan qaryzdy óteýge kelisim bolmaǵandyqtan, qala prokýrorynyń narazylyǵymen sot taǵaıyndaýy joıyldy», - delingen habarlamada.
