Tutynýshylar úshin eseptegish quraldardy engizý áli de ózekti kúıinde qalyp otyr
ASTANA. 18 naýryz. QazAqparat - Tutynýshylar úshin eseptegish quraldardy engizý áli de ózekti kúıinde qalyp otyr. Búgin Parlament Májilisindegi Úkimet saǵatynda QR Tabıǵı monopolııalardy retteý agenttiginiń tóraǵasy Murat Ospanov osylaı málim etti.
Agenttik tóraǵasynyń aıtýynsha, jalpy ortaq sý esepteý quraldarymen qamtý shamamen 40 paıyzdy qurasa, jeke tutynýshylardyń sý esepteý aspaptarymen jabdyqtalýy, ortasha alǵanda 85 paıyzǵa ornatylǵan. «Tutynýshylardy sý esepteý aspaptaryn qoıýǵa, al tabıǵı monopolııalar sýbektilerin olardy jeke kelisimmen ornatýǵa mindetteıtin túzetýler «Tabıǵı monopolııalar men retteletin naryq týraly» zańǵa 2006 jyldan bastap engizilgen. Bul zań boıynsha ornatý merzimi ótip ketkeni ózderińizge belgili», - deıdi Murat Ospanov.
Onyń sózine qaraǵanda, esepteý quraldaryn ornatý qarqynynda oń serpin bolǵanymen, ol jetkiliksiz.
