Tutynýshylar ulttyq lıgasy kezekten tys prezıdenttik saılaý ótkizýdi qoldady

ASTANA. QazAqparat - «Tutynýshylar ulttyq lıgasy» RQB músheleri QR Prezıdentiniń kezekten tys saılaýyn ótkizý týraly Qazaqstan halqy Assambleıasy keńesiniń bastamasyn qoldap otyr.

Osy oraıda tıisti málimdemeni búgin QR Palament Májilisiniń depýtaty, atalǵan lıganyń tóraıymy Svetlana Romanovskaıa jasady.

Tutynýshylardyń ulttyq lıgasy músheleriniń atap ótýinshe, jahandyq ekonomıkalyq daǵdarys jaǵdaıynda memlekettiń maqsaty halyq tabysynyń deńgeıin tómendetip almaýǵa baılanysty. Osy baǵyttaǵy mindetter «Nurly jol» baǵdarlamasynyń aıasynda sheshilýde.

Depýtattyń sózine qaraǵanda, atalǵan baǵdarlama memleketke álemdik ekonomıkalyq daǵdarystyń belesterin eńserip, myqty ekonomıkany qurýǵa múmkindik beredi.

«Osy jáne ózge de sharalar eldiń ekonomıkasyn saýyqtyrady jáne qıyn kezeńderden ótýge jol ashady, sonymen qatar qazaqstandyqtardyń ál-aýqatyn saqtaıdy, eldiń birligin nyǵaıta túsedi», - dedi S. Romanovskaıa.

Onyń paıymynsha, alǵa qoıylǵan mindetterdi júzege asyrý úshin barsha halyqtyń yntymaǵy, azamattyq belsendi ustanym men barlyq áleýmettik-mańyzdy problemalardy sheshýge qatysý óte qajet.

Bul turǵyda Tutynýshylar ulttyq lıgasy elimizdiń barsha azamattaryn Qazaqstan halqy Assambleıasynyń bastamasyn qoldaýǵa shaqyrdy.