Tutynýshylar lıgasy Almatydaǵy «erekshe problemamen» kúrespek
ASTANA. QazAqparat - «Tutynýshylar ulttyq lıgasy» Almatyda lıft qyzmetteri boıynsha kóńil kónshitpeıtin tólem júıesi máselesin sheshýge nıetti. Bul týraly Úkimet otyrysynda atalǵan uıymnyń basqarma tóraıymy Svetlana Romanovskaıa málim etti, dep habarlaıdy QazAqparat.
«Almatada ózindik problema bar. Atap aıtqanda lıftke tólem sharshy metrlermen esepteledi. ıAǵnı bul jaǵdaıda úshinshi qabatta 3 bólmeli páterde turatyn eki adam 12 qabattaǵy 1 bólmeli páterge qonystanǵan 15 adamǵa qaraǵanda úsh esege kóbirek tóleıdi. Bul rette talap-aryzdy daıarlap jatyrmyz jáne osy máseleni retke keltirýge nıettimiz»,-dedi Svetlana Romanovskaıa.
Aıta keteıik, ol tutynýshylar quqyqtaryn qorǵaý baǵytynda quqyqtary buzylǵan turǵyndarǵa 400 mln teńgeden astam qarjy qaıtarylǵanyn jetkizdi.
Bıyl «Tutynýshylar ulttyq lıgasyna» 25 jyl tolyp otyrǵanyna toqtalǵan Romanovskaıa: «Osy ýaqyt ishinde 2,4 myńnan astam talap-aryz berip, jeńip shyqtyq. Bul turǵyda sotqa deıingi, medıatıvtik jáne kinárat-talap tártibi boıynsha halyqqa qaıtaryp bergen qarjynyń somasy 300 mln teńgeden astam materıaldyq shyǵyndy, sondaı-aq 140 mln teńge moraldyq zalaldy qurap otyr»,-dedi.
