Tutynýshylar quqyqtaryn qorǵaý qoǵamy nesıe alý kelisimine qol qoıarda ony muqııat oqýdy eskertedi
Bul týraly búginAlmatyda «Adal» tutynýshylar quqyqtaryn qorǵaý qoǵamy men «HOÝM Kredıt Bank» AQ uıymdastyrǵan tutynýshylyq nesıe berý salasyndaǵy qarjy saýattylyǵy boıynsha tuńǵysh semınarda aıtyldy.
«Búgingi kúni qarjy qyzmetteri naryǵynda túrli nesıeler usynatyn jarnamalar kóp. Jurtshylyqtyń kóp jaǵdaıda tutynýshylyq nesıe boıynsha qarjylyq saýattylyǵy tómen. Sondyqtan ol buzylǵan jaǵdaıda da habarsyz qalyp jatady. Tipti ol jerge qaıta oralyp, qatelikterin taǵy qaıtalaıtyn jaǵdaılar jıi kezdesýde», - deıdi «Adal» tutynýshylar quqyqtaryn qorǵaý qoǵamynyń prezıdenti Artyq Seıitqalıeva.
Al banktiń ónimderdi ázirleý jónindegi menedjeri Gúlchıra Kenjebaevanyń aıtýynsha, buryn qarjy ınstıtýttary kóp jaǵdaıda kelisimdegi mindettemelerdi kishkentaı shrıfpen terip, oǵan tutynýshylardyń nazaryn aýdarýmaýǵa tyrysatyn. Sońǵy jyldary zańnamadaǵy ózgeristerge sáıkes bul másele oń sheshimin tapty. Qazirgi tańda olar óz komıssııalyq alym kólemin jasyra almaıdy. Sondyqtan zań buzýshylyq negizinen bank qyzmetkerleriniń konsýltatsııasy kezinde oryn alyp jatady. Sol sebepti kelisimge qol qoıar kezde tutynýshylar ony muqııat oqyp shyǵyp, sodan keıin ǵana qol qoıýy kerek. Eger kelisimniń ishinde qandaı da bir kúmándi jáıttar bolsa odan bas tartýy tıis. Adal Seıitqalıevanyń sózine qaraǵanda, bankten nesıe kelisimin jasaǵan soń tutynýshy onyń shartyn oryndaýǵa mindetti. Sondyqtan keıde ony buzýǵa zań da kómektese almaıdy.
