Tutynýshylar quqyǵyn qorǵaý agenttigi qus sharýashylyǵy ónimderin taratýshylardy teksermek
ASTANA. QazAqparat - Tutynýshylar quqyǵyn qorǵaý agenttigi qus sharýashylyǵy ónimderin taratýshylardyń qyzmetine tekserý júrgizbek. Bul jaıynda agenttiktiń taýyq jumyrtqasyn tasymaldaý jáne satý problemalary boıynsha qus sharýashylyǵy ónimderi óndirýshilerimen bolǵan keńesinde málim boldy.
Vedomstvonyń baspasóz qyzmetiniń habarlaýynsha, respýblıkanyń ishki naryǵynda sáıkesinshe tańbasyz tasymaldanyp, satylymǵa túsken, qaıdan jetkizilgendigi belgisiz jumyrtqa ónimderiniń satylý faktisi jıilep ketken.
Buǵan qosa, birqatar saýda kásiporyndary jetkizýshiden ónimniń veterınarlyq anyqtamasy men sertıfıkatyn suramastan, otandyq óndirýshilerdiń jalǵan tańbasy belgilengen ónimderdi saýdalaýda. Atalǵan ónimderdiń sapasy naǵyz óndirýshi taýarynyń sapasyna saı kelmeıdi. Osylaısha, olar naǵyz óndirýshilerdiń abyroıyna nuqsan keltirýde.
Keıde atalǵan ónimder ónimniń qaýipsizdigi men qunarlylyǵynyń saqtalýyna kepildik berilmeıtin jerlerde de saýdalanyp jatyr. Keńes qorytyndysynda agenttikpen atalǵan ónimderdi tasymaldaý jáne saýdalaýmen aınalysatyn kásipkerlikterdi menshik nysanyna qaramastan tekserýge baǵyttalǵan birqatar baqylaý-qadaǵalaý sharalaryn uıymdastyrý josparlandy.
