Tutynýshylar quqyǵyn qorǵaý: 70 mln teńge qaıtaryldy
NUR-SULTAN. QazAqparat – QR Saýda jáne ıntegratsııa mınıstri Baqyt Sultanov tutynýshylardyń quqyqtaryn qorǵaý baǵytyndaǵy jumystar týraly aıtty, dep habarlaıdy QazAqparat tilshisi.
«2020 jyly qazaqstandyqtardyń 20 myńnan astam shaǵymy qaraldy. 250 mln teńgege jýyq qaıtaryldy. Máselen, «Bek Eır» áýe kompanııasyna talap-aryz boıynsha 110 mln teńgeden astam somaǵa 1,7 myń tutynýshynyń quqyǵy qorǵaldy», - dedi B. Sultanov onlaın redımde halyq aldynda esep berýi kezinde.
Onyń aıtýynsha, 2021 jyldyń basynan 6 myńnan astam shaǵym qaralyp, tutynýshylarǵa 70 mln teńge qaıtaryldy.
«Shaǵymdardyń kóbisi kólik, bólshek saýda, turmystyq ári týrıstik saladaǵy qyzmet sapasyna qatysty kelip túsedi», - dedi mınıstr.
Budan buryn habarlanǵandaı, Baqyt Sultanov Saýda jáne ıntegratsııa mınıstriliginiń basty maqsatyn atady.
