Tutynýshylar quqyǵyn buzǵan monopolısterge 3,1 mlrd. teńge somasynda aıyppul salyndy - M.Ospanov
ASTANA. 1 qazan. QazAqparat - Tutynýshylar quqyǵyn buzǵan monopolısterge 3,1 mlrd. teńge somasynda aıyppul salyndy. Bul týraly búgin Úkimet otyrysynda QR Tabıǵı monopolııalardy retteý agenttiginiń tóraǵasy Murat Ospanov málim etti.
Investıtsııalyq baǵdarlamalardy tıimdi júzege asyrý úshin agenttik monopolısterge baqylaýdy, onyń ishinde qoǵamdyq monıtorıng júıesi arqyly baqylaýdy kúsheıtkendigin basa aıtqan M.Ospanov: «Aǵymdaǵy jyly tutynýshylardyń quqyqtaryn buzýǵa jol bermeý maqsatynda 284 tekserý júrgizildi, 1018 nusqama engizildi. Salynǵan aıyppuldyń jalpy somasy 3,1 mlrd. teńgeni quraıdy», - dedi.
Sonyń qatar onyń aıtýynsha, tutynýshylarǵa keltirilgen zalaldy óteý maqsatynda 1,2 mlrd. teńge somasynda ýaqytsha ótemdik tarıfter engizilgen.
«Syrtqy aýa temperatýrasynyń ózgerýine baılanysty qaıta esepteý nátıjesinde 2012-2013 jyldarǵy jylý berý kezeńi úshin halyqqa qaıtarylǵan qarajat shamamen 500 mln. teńgeni qurady», - dedi agenttik basshysy.
