Tutynýshy nesıelerin kóptep bergen bankter lıtsenzııadan aıyrylady - Q.Kelimbetov
ASTANA. 23 jeltoqsan. QazAqparat - Kelesi jyldan bastap árbir banktegi tutynýshy nesıelerin berý kólemi 30 paıyzdan aspaýy tıis. Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Ulttyq bank tóraǵasy Qaırat Kelimbetov osylaı aıtty.
Onyń aıtýynsha, búginde Ulttyq bankti tutynýshy nesıelerdiń ósý qarqyny alańdatady. Sebebi sońǵy on bir eki jyldyń ishinde bankterdiń ondaı nesıelerdi berý kólemi 100 paıyzǵa ósti. «Bundaı ósim bizdi alańdatady. Sondyqtan jalpy búgingi qarjy jaǵdaıyn zerdeleı kele, biz naqty bir sheshimge keldik. Kelesi jyly aqpannyń 1-nen bastap árbir banktegi tutynýshy nesıelerin berý kólemi 30 paıyzdan aspaýy tıis. Eger oǵan jol berilse, Ulttyq bank tıisti sharalardy qolǵa alatyn bolady», - dep atap kórsetti Q.Kelimbetov. Onyń sózine qaraǵanda, ondaı bankter depozıtterdi alý nemese mekeme basshysyn taǵaıyndaýǵa kelisim berý sııaqty lıtsenzııalardan aıyrylýy ábden múmkin.
Ulttyq banktiń málimetine sáıkes, qazirgi Qazaqstandaǵy ekinshi deńgeıli bankterdiń tutynýshy nesıe portfeliniń jalpy kólemi 16 paıyzdan aspaıdy.
