Tutynýǵa jaramsyz azyq-túlik satqan kásipkerlerge 300 mln. teńgeden astam somaǵa aıyppul salyndy

Bul týraly búgin brıfıng barysynda QR Densaýlyq saqtaý mınıstrligi memlekettik sanıtarlyq-epıdemıologııalyq qadaǵalaý komıtetiniń tóraǵasy Jandarbek Bekshın málim etti.

Onyń atap ótýinshe, sanıtarlyq talaptardyń óreskel buzylýyna baılanysty 31 myńnan astam aıyppul salynǵan. Somasy 300 mln. teńgeden asyp jyǵylady. Sondaı-aq 551 nysannyń jumysy toqtatylyp, túrli ereje buzýshylyqtarǵa jol bergenderge qatysty tergeý organdaryna 769 materıal joldanǵan.

«Aǵymdyq sanıtarlyq-epıdemıologııalyq qadaǵalaý júrgizý barysynda mamandar barlyq óńirlerden 177 tonna azyq-túlik ónimderin, onyń ishinde Qazaqstanǵa ımporttalǵan 49 paıyz jáne otandyq óndirýshilerdiń 51 paıyz ónimderin satylymnan alǵan», - dedi J.Bekshın.

Onyń atap ótýine qaraǵanda, satylymnan negizinen kókónister men jemis-jıdekter alynǵan. Olardyń basym bóliginiń saqtalý merzimi ótip ketken.