Tutqyndaýǵa ruqsatty sottar beretin bolǵannan bastap, qamaýǵa alynatyndardyń sany aıtarlyqtaı azaıǵan

Bul týraly ShYU-ǵa múshe memleketterdiń Joǵarǵy sottary tóraǵalarynyń VI keńesinde QR Joǵarǵy sotynyń sýdıasy Anatolıı Smolın málim etti.

A.Smolın habardar etkendeı, Qazaqstan Respýblıkasynyń Bas prokýratýrasy Quqyqtyq statıstıka jáne aqpart ortalyǵynyń resmı statıstıkalyq málimetterine júginsek, 2004 jyldan tutqyndaýǵa sottar ruqsat berýge kóshken kezge deıin prokýrorlar jyl saıyn shashamen 25 000 tulǵaǵa qatysty tutqyndaý sanktsııasyn beretin. «Al qamaýǵa alý týraly sheshimdi sottar qabyldaıtyn bolǵannan keıin, 2009 jyly nebári 19 642 adam (sonyń ishinde tutqyndaý, úı tutqyny, ekstradıtsııalaý sharasy), 2010 jyly 15 482 adam tutqynǵa alynǵan. Al 2011 jyldyń birinshi jarty jyldyǵynda 6605 adamǵa qatysty tutqyndaý sharalary qoldanylǵan», - deıdi A.Smolın.

Bul sot baqylaýyn keńeıtip, qylmystyq sot óndirisi barysynda qoldanylatyn basqa da quqyq qorǵaý is-qımyldaryna sot sanktsııalaryn engizý kerektigin kórsetedi, dep qorytyndylady ol.