Tutqyn sot ǵımaratynyń aldynda eki polıtseıdi atyp saldy

ASTANA. QazAqparat - Amerıkanyń Kanzas-sıtı qalasynda sotqa ákele jatqan qylmysker sot ǵımaratynyń aldynda eki polıtseıdi atyp saldy. Bul týraly juma kúni Associated Press agenttigi habarlady.

Mıssýrı shtatynyń Kanzas-sıtı qalasynda túrmeden sotqa ákele jatqan qylmysker polıtsııa fýrgonynan shyǵa bergende polıtseılerdiń biriniń tapanshasyn tartyp alyp, sherıftiń eki kómekshisin atyp salǵan. Onyń biri oqıǵa ornynda qaza taýyp, ekinshisi aýyr jaraqatpan aýrýhanaǵa jetkizilgen.

Qandy oqıǵa sot ǵımaratynyń aldynda bolǵan. Qylmyskerdiń ózi de atys kezinde jaralanyp, aýrýhanaǵa jatqyzylǵan.

Qazir polıtsııa oqıǵanyń mán-jaıyn tekserip, qylmyskerdiń tapanshany polıtseıden qalaı tartyp alǵanyn anyqtap jatyr.