Tutqyndar bosatylmaı, Palestınada Frantsııa elshiligi bolmaıdy — Makron

ASTANA. KAZINFORM —  Frantsııa prezıdenti Emmanýel Makron tutqyndar bosatylmaıynsha, Palestınada Frantsııa elshiligi bolmaıtynyn aıtty. Bul týraly Al Jazeera jazdy.

Onyń aıtýynsha, Frantsııa Palestına memleketin moıyndaý josparyn jarııalaǵanymen, HAMAS Gaza sektoryndaǵy qalǵan tutqyndardy bosatpaıynsha, Palestınada elshiligin ashpaıdy.

Makron tutqyndardy bosatý «Palestınada elshilik ashý aldynda naqty talap bolatynyn» aıtty.

Sonymen qatar Izraıldiń palestınalyqtardy Gazadan yǵystyrýǵa baǵyttalǵan kez kelgen yqtımal áreketterine úzildi-kesildi qarsylyǵyn bildirdi.

— Biraq mundaı jospardyń negizi olardy yǵystyrý bolsa, onda bul jaı ǵana aqylsyzdyq. Biz Amerıka Qurama Shtattarynyń bedeli úshin de, Frantsııanyń múddesi úshin de mundaı jobaǵa ashyq ta, janama túrde nemquraıly qaraı almaımyz, — dep málimdedi Makron.

Eske salaıyq, Izraıl Ulybrıtanııa, Aýstralııa jáne Kanadanyń Palestına memleketin moıyndaǵanyn aıyptady.