Tutynýshy quqyǵy buzylǵan jaǵdaıda satýshyǵa qalaı narazylyq hat joldaýǵa bolady
ASTANA. KAZINFORM - Árbir tutynýshy sapaly taýar men qyzmet alýǵa quqyly. Eger sizdiń tutynýshy retinde quqyǵyńyz buzylsa, Satýshyǵa (oryndaýshyǵa, daıyndaýshyǵa) narazylyqpen júginýge bolady, dep habarlaıdy QR Saýda jáne ıntegratsııa mınıstrliginiń baspasóz qyzseti.
Mynalardy bilýińiz kerek
Qazaqstan Respýblıkasynyń «Tutynýshylardyń quqyqtaryn qorǵaý týraly» Zańynyń 42-4-babyna sáıkes, tutynýshy quqyly: zańbuzýshylyqtardy joıýdy talap etýge, taýardyń nemese qyzmettiń kemshilikterinen kelgen zalaldy óteýdi suraýǵa.
Narazylyq hat qalaı jazylady?
Narazylyq hat erkin túrde jazylady. Onda kórsetilýi tıis:
qandaı quqyqtary buzylǵany, taýardyń nemese qyzmettiń kemshilikteri, tutynýshynyń talaptary (aqshany qaıtarý, taýardy aýystyrý, kemshilikti joıý jáne t.b.).
Narazylyq hat qaıda joldanady?
• Tikeleı satýshyǵa (qabyldanǵany týraly belgi alý qajet);
• Poshta arqyly satýshynyń zańdy mekenjaıyna;
• Elektrondy túrde (e-mail nemese onlaın júıeler arqyly).
Satýshynyń mindetteri
Satýshy (daıyndaýshy, oryndaýshy) mindetti:
• tutynýshynyń narazylyǵyn qaraýǵa,
• 10 kúntizbelik kún ishinde jazbasha jaýap berýge,
• óz ustanymyn rastaıtyn qujattardyń kóshirmesin qosa usynýǵa.
Eger jaýap bolmasa
Eger satýshy 10 kúntizbelik kún ishinde jaýap bermese nemese zańbuzýshylyqtardy joıýdan, shyǵyndy óteýden bas tartsa, tutynýshy quqyly:
• ýákiletti organǵa júginýge,
• tutynýshylardyń quqyqtaryn qorǵaý salasyndaǵy memlekettik organdarǵa shaǵymdanýǵa,
• qajet bolǵan jaǵdaıda sotqa aryzdanýǵa.
Tutynýshy jaǵdaıynda bolǵan mysal
Túrkistan oblysynyń turǵyny onlaın arqyly 350 000 tg-ge tósek-oryn satyp alǵan. Biraq jetkizilgen kezde bir jamylǵy jetispegen. Satýshyǵa jazǵan narazylyq hatyna jaýap bolmaǵan soń, tutynýshy «E-Ótinish» júıesi arqyly Saýda jáne tutynýshylardyń quqyqtaryn qorǵaý departamentine júgingen.
Departamenttiń aralasýynan keıin satýshy óz qateligin moıyndap, jetispegen taýardy «Qazposhta» arqyly jibergen ári tutynýshynyń 6 000 tg shyǵynyn ótegen.
Osyǵan deıin Aqtóbede shań sorǵysh alam dep basy daýǵa qalǵan tutynýshynyń quqyǵy qorǵalǵany týraly jazdyq.