Tútinge tunshyqqan áıeldi qutqarǵan polıtsııa qyzmetkerleri marapattaldy
ALMATY. QazAqparat - Almatyda tútinge tunshyqqan áıeldi qutqarǵan Bostandyq aýdandyq ІІB qyzmetkerlerin qalalyq TJD basshylyǵy marapattady, dep habarlaıdy QazAqparat tilshisi.
Baspasóz qyzmetiniń habarlaýynsha, polıtsııa maıory Darhan Aıymbetov, aǵa leıtenant Ábilqaıyr Pernebekov Qazaqfılm shaǵyn aýdanyndaǵy úılerdiń biri órtenip jatqanyn kórgen kezde birden kómekke umtylǵan.
Polıtsııa qyzmetkerleri tútinnen tunshyqqan páter qojaıynyna birden alǵashqy kómek kórsetken.
Sonyń kesirinen ózderi de jeńil dárejede ýlanyp, aýrýhanaǵa tústi.
Qalalyq TJD basshylyǵy QR Táýelsizdik kúnine oraı polıtsııa maıory Darhan Aıymbetov, aǵa leıtenant Ábilqaıyr Pernebekov arnaıy medalmen marapattaldy.
