Tútindep, ot shashatyn gıtara jasaldy

ASTANA. QazAqparat - Brıtandyq ónertapqysh Kolın Ferz kádimgi elektr gıtarasynan otshashar gıtarany qurastyryp shyqty.

Sondaı-aq ónertapqysh bas-gıtarany jarqyldaıtyn stroboskop jáne tútin shyǵaratyn qurylǵymen jabdyqtady. Mýzykalyq quraldar kórsetilgen beınejazba avtordyń YouTube vıdeohostınginde arnasynda jarııalanǵan, sondaı-aq onda ónertapqyshtyń jobany qalaı jasaǵanyn baıandaǵan rolıkter júktelgen.

Stroboskop jáne tútin mashınkasymen jabdyqtalǵan bas-gıtara úshin Kolın Ferz daıyn tútin úrleıtin qurylǵyny paıdalandy.

Otshashar gıtarany qurastyrý kezinde avtor onyń moıynynyń bas jaǵyna eki ot úrleıtin qubyr men oǵan gaz jiberetin tutqalardy bekitti. Gaz ballony dekanyń ózinde ornalastyryp, sol úshin aspaptyń shanaǵynyń bir bóligi kesilip, alynyp tastaldy.