Tutas qoǵam turmystyq zorlyqqa tózbeýi kerek – Svetlana Jaqypova

Eńbek jáne halyqty áleýmettik qorǵaý mınıstri Svetlana Jaqypova turmystyq zorlyq-zombylyqqa qarsy kúres týraly pikir bildirdi, dep habarlaıdy Kazinform agenttigi.

«Siz Mınıstrler kabınetindegi az áıeldiń birisiz. Sońǵy oqıǵalarǵa baılanysty qoǵamda turmystyq zorlyq-zombylyq taqyryby qyzý talqylanýda. Sizdiń pikirińizshe, munymen kúresý úshin neni ózgertý kerek?», - dep suraq qoıdy tilshiler Májilis kýlýarynda.

«Biz sońǵy 5 jyl boıy zańdardy kúsheıtip kelemiz, biraq munda jekelegen normalar negizinen kópshilik arasynda qabyldanbaıdy. Meniń oıymsha, otbasylyq saıasat tolyǵymen qaıta qaralýy kerek. Otbasyndaǵy tárbıe, er men áıel qatynasy, ata-ana men bala arasyndaǵy qarym-qatynas mádenıeti – munyń bárin tolyǵymen qaıta qaraý kerek. Bálkim bizge basqa qundylyqtar tsıfrlandyrý ǵasyrymen, áleýmettik jeliler arqyly kelgen bolýy múmkin. Osyǵan qaramastan, keıbir nárselerdi túbegeıli ózgertý qajet bolýy múmkin», - dep jaýap berdi S. Jaqypova.

Mınıstr turmystyq zorlyq-zombylyqqa qarsy qatań talaptar qoǵamdyq sheshim bolýy keregin basa aıtty.

«ıAǵnı, tutas qoǵam turmystaǵy zorlyqqa tózbeýi kerek. Bir ret qolyn kóterse, keshire salaıyn degen oı bolmaýy kerek. Eger erteń bul norma bolyp ketse, basqa jaǵdaıda bolamyz», - dedi Eńbek mınıstri.

Aıta keteıik, búgin Prezıdent Qasym-Jomart Toqaev Іshki ister mınıstrligine elorda meıramhanalarynyń birinde bolǵan kisi ólimine qatysty rezonansty oqıǵany erekshe baqylaýǵa alýdy tapsyrdy.