Týtanhamon mazarynan jasyryn bólme tabyldy
ASTANA. QazAqparat - Mysyrdyń tarıhı jádigerler mınıstrligi Týtanhamon mazarynda jasyryn bólme bar degen teorııany rastaıtyn jańa derekterdi jarııalady, dep jazdy Ýtro.rý.
National Geographic-ke bergen suhbatynda vedomstvo basshysy Mamdýh el-Damatı mazardyń ınfraqyzyl sýretteriniń alǵashqy saraptamasy soltústik qabyrǵanyń túrli bólikteriniń temperatýrasy ár túrli ekenin kórsetti degen. Endeshe, qabyrǵanyń artynda bos keńistik bar.
Bıyl brıtanııalyq mysyrtanýshy Nıkolas Rıvzanyń eńbegi jarııalandy. Ol perǵaýyn mazarynda jabylyp, boıalǵan taǵy eki esik orny bar ekenin aıtty. Onyń pikirinshe, bul esik oryndary bastapqyda mazardy Nefertıtı patshaıymy úshin jasaǵanyn dáleldeıdi. Ol Ehnatonnyń (Amenhotep IV), Týtanhamonnyń ákesiniń alǵashqy áıeli bolǵan. Týtanhamonnyń anasynyń aty belgisiz, alaıda ol Ehnatonnyń ápkesi boldy degen boljam bar.
