Tut aǵashynyń qupııasyn qytaılyqtar myńdaǵan jyldar boıy jasyryp kelgen

 Sebebi álemge jibek syndy názik te kórkem jibek matasyn beretin jibek qurty  osy tut aǵashynyń japyraqta­ryn jep qorektenedi, dep jazady «Alash aınasy» basylymy.

 Uly Jibek jolymen jahandy jaýlaǵan qytaı muny myńdaǵan jyldar boıy qupııada saqtaǵan. Solaısha úsh myń jyldan astam ýaqyt jibek ónimi tek Qytaıdan ǵana eksportqa jóneltilip jatty. Olarda áli kúnge deıin jibek qupııasyn ash­qan adamǵa ólim jazasy bar. Qupııa tolyqtaı ashylmaǵanymen, keıinnen jibek óndirisi  Japonııa, Úndistan, Orta Azııa elderine oıy­sa bastady.  Jalpy, Orta Azııanyń ha­lyq­tary sonaý erte kezden bastap tut aǵa­shynan mýzyka aspaptaryn jasaǵan. Ondaı aspaptar óte  baǵaly sanalǵan. Bál­kim, tut aǵashynyń kıeli sanalatyny onyń ortasha ómir súrý jasynyń - 200 jyl, keıbir túrle­riniń 300-500 jylǵa deıin ómir súrýine baılanysty shyǵar (tipti Ierıhonda ósip turǵanyna 2000 jyl bolǵan áıgili tut aǵashy bar eken).  Sebebi qazaq eskiden kele jatqan kóne zattardy qasıetti sanap, olarda bir kıe baryn aıtady.