Túski uıqy balanyń este saqtaý qabiletin arttyrady
ASTANA. 26 qyrkúıek. QazAqparat - Balanyń túski astan keıin bir saǵat uıyqtap turǵany paıdaly, dep sanaıdy mamandar. Bul onyń sabaqty jaqsy oqýyna kómektesedi, sebebi uıqy mıdyń jumysyn jaqsartady, dep habarlaıdy BBC. Uıqy 3-5 jastaǵy balalarǵa sabaq barysynda aıtylatyn aqparatty este saqtaýǵa kómektesedi.
Massachýset ýnıversıtetiniń qyzmetkerleri 40 balany arnaıy zerttegen. Uıqynyń jaǵymdy áseri kelesi kúnge deıin saqtalatyn bolyp shyqty. Demek, uıqy eske túsirý jáne sabaqta oqyǵandy bekitý úshin óte mańyzdy. Osylaısha, kúndiz bir saǵat uıyqtaǵannan keıin balalar, baqylaýǵa alynǵan topqa qaraǵanda aqparatty 10%-ǵa artyq eske túsiretin bolǵan.
Mıǵa júrgizilgen zertteý barysynda anyqtalǵandaı, uıqy kezinde oqytý jáne jańa aqparatty ıntegraldaýǵa jaýap beretin mı aımaqtary belsendi jumys isteıtin bolǵan. Jalpy, kishkentaı balalar kúnine 11-13 saǵattan uıyqtaýy kerek. Sonymen qatar, kúndiz az ýaqytqa kóz shyrymyn alý eresekterdiń de aqyl-oı jumysynyń qabilettiligin jaqsartady.
