Túsipbekov Halyqaralyq aýyr atletıka federatsııasynyń vıtse-prezıdenti bolyp saılandy
ASTANA. QazAqparat - 29 mamyr kúni Bangkokta Halyqaralyq aýyr atletıka federatsııasynyń (HAAF) Saılaý kongresiniń birinshi kúni aıaqtaldy. Qazaqstan federatsııasynyń prezıdenti Janat Túsipbekov basqa úmitkerlerdi basymdyqpen saılaýda jeńip shyǵyp, HAAF vıtse-prezıdentteriniń biri atandy, dep habaralaıdy Sports.kz .
Kongress 2015-2017 jyldar aralyǵyndaǵy Janat Túsipbekovtiń marketıng komıssııa tóraǵasy retindegi jumysyn joǵary baǵalap, onyń QR AAF kóshbasshysy retinde jaqsy uıymdastyrýshylyq qabiletin, sonyń ishinde Rıodaǵy Olımpıada oıyndarynda ótken sátti marketıngtik naýqanyn jáne 2016 jyldan bastap aýyr atletıkadan Azııa Chempıonatynyń halyqaralyq translıatsııasyn uıymdastyrǵanyn atap ótti.
Qazaqstanda júrgizilgen jumystary, sonyń ishinde dopıngke qarsy tártipti (2016-2017 jyldary halyqaralyq jarystarda qazaqstandyq atletter arasynda dopıng-synamasynyń birde-bir oń nátıjesi bolmady) nyǵaıtýy; balalardy jappaı sportqa tartý jáne jattyǵý protsesteri úshin jaǵdaıdy jaqsartý boıynsha atqarǵan jumystary joǵary baǵalandy.
Saılaý qorytyndysy:
Tamash Aıan (Vengrııa) prezıdent bolyp qaıta saılandy
Bas hatshy - Mohammed Djalýd (Irak)
Birinshi vıtse-prezıdent - general Intarat Iodbangtoı (Taıland)
Vıtse-prezıdent - Ýrsýla Papandrea (AQSh)
Vıtse-prezıdentter: Janat Túsipbekov (Qazaqstan), Hose Karlos Kınones (Perý), Nıký Vlad (Rýmynııa), Petr Krol (Chehııa).
