Turyp qalǵan avtobýstardy jóndep, jolǵa shyǵaramyz – Almaty oblysynyń ákimdigi

QONAEV. QazAqparat - Almaty oblysynyń ákimdiginde Jetigen kentiniń aýmaǵynda turyp qalǵan avtobýstarǵa qatysty túsinikteme berildi, dep habarlaıdy QazAqparat tilshisi.

Óńir ákimdigi 2022 jylǵy 22 qazandaǵy №4/547 qaýlysymen jyljymaly quramnyń 300-i óteýsiz negizde Almaty oblysyna berilgenin habarlady. Bul avtobýstar jóndeýdi qajet etti jáne ishinara bólshekteldi.

«Almaty oblysynyń ákimdigi qazirgi ýaqytta aqaýlardy anyqtaý, sondaı-aq avtobýstardy qalpyna keltirý, baǵalaý jumystaryn júrgizýde. Oblys ákimdigi jóndeýge keletin mashınalardy retke keltirip, baǵdarlarǵa shyǵarady. Qosyp óteıik, biz keıbir mashınalardy jóndeı aldyq jáne olar qazir birneshe eldi mekender arasynda júr. Biz jańa baǵyttardy maýsym aıynyń ortasynda tanystyrdyq»,-dep habarlady oblys ákimdiginiń baspasóz qyzmetinen.

Ákimdiktiń málimetinshe, mamandar qalpyna keltirýge bolatyn mashınalardy alyp ketýde. Olar kúrdeli jóndeýden keıin iske qosylady.

Buǵan deıin Instagram-da kóptegen avtobýstyń bir jerde turǵany túsirilgen kadr taraǵan edi.

QR Indýstrııa jáne ınfraqurylymdyq damý mınıstri Marat Qarabaev qańtarylyp turǵan avtobýstarǵa qatysty pikir bildirdi.