Tursynbek Qabatov túrmede kontsert berdi
ASTANA. 12 mamyr. QazAqparat - Tursynbek Qabatov bastaǵan Astana qalasynyń Kóńildi tapqyrlar teatrynyń ujymy ETs-166/10 túzeý mekemesinde kontsert qoıdy.
Sottalǵandardyń tárbıe jumysyn jetildirý úshin mekemede sporttyq, mádenı is-sharalar jıi uıymdastyrylady.
Tursynbek Qabatov pen onyń «komandasy» merekelik baǵdarlama aıasynda qoǵamnyń túıitkil máselelerin astarly qaljyńmen ádemi jetkizip, kórermenderdi kúlkige bóledi.
Kontsert sońynda «Qala ákimdiginiń qoldaýymen ótken sharaǵa atsalysqany úshin elordalyq teatrǵa alǵysymyz sheksiz», - dedi mekeme bastyǵynyń tárbıe jumystary jónindegi orynbasary A.Mýsın.
Maqala «Astana aqshamy» gazetiniń búgingi sanynda jaryq kórdi.
