Tursynbek Qabatov «Astana» fýtbol klýby fanattarynyń qataryna qosyldy
ASTANA. QazAqparat - Keshe Chempıondar lıgasynyń ekinshi irikteý kezeńindegi «Astana» - «Spartak» (Latvııa) komandalary arasyndaǵy kezdesýde óte qyzyq oqıǵa oryn aldy. Elimizge tanymal akter, shoýmen, prodıýser Tursynbek Qabatov atalmysh oıyndy qurmetti qonaqtar otyratyn orynda emes, elordalyq komandanyń «12 oıynshy» resmı fanattarymen birge tamashalap, komandaǵa qyzý qoldaý bildirdi, dep habarlaıdy astanalyq fýtbol klýbynyń baspasóz qyzmeti.
«Men elimizdiń eń úzdik fýtbol klýby «Astanany» jaqsy kóremin. Sebebi, elordalyq komanda Eýropa alańdarynda elimizdiń namysyn laıyqty deńgeıde qorǵap júr. Ózimdi osy klýbtyń jankúıerimin dep senimmen aıta alamyn. Men keshe klýb fanattarymen birge komandaǵa qoldaý kórsetip, ózimdi naǵyz fýtbol jankúıeri retinde sezinip kórdim. Ózderińiz kórgendeı, «Astana» Chempıondar Lıgasynyń úshinshi irikteý kezeńine joldama aldy», -deıdi «Astana Arenaǵa» kelgen tanymal akter.
