Tursynbek Qabatov 22 jyldan keıin týǵan jerinde daýys berdi
Tursynbek Qabatovtyń aıtýynsha, ol 22 jyldan keıin týǵan jerine kelip, daýys berip tur eken.
«Kóńil-kúı óte jaqsy. Osydan 22 jyl buryn týǵan jerim – Kaztalov aýdany Aqpáter aýylyndaǵy mádenıet úıinde daýys berip edim. Sodan keıin Astanaǵa ketip qaldym. Endi, mine, týǵan jerime kelip, kezekten tys prezıdent saılaýyna qatysyp, daýys berip turǵanyma erekshe qýanyshtymyn. Áleýmettik jeliden kórip jatyrmyz, el ishinde belsendilik joǵary. Damyǵan memleket ekendigimizdi kórsetip, Qazaqstan halqy tańǵy 7-den bastap saılaýǵa belsendi qatysyp jatyr», - dedi T.Qabatov.
Belgili ázilkesh Aqjaıyq óńirine gastroldik saparmen kelgen.
Eske sala keteıik, budan buryn BQO saılaýshylarynyń daýys berýge otbasymen kelip jatqanyn jazǵan bolatynbyz.
Sondaı-aq batysqazaqstandyq kókparshylar saılaýǵa salt atpen keldi.
