Tursynbek áıeline Óner-bilim ortalyǵyn ashyp berdi
ASTANA. QazAqparat - Astanada ázil-syqaqshy Tursynbek Qabatovtyń jubaıy Móldir Muqanovanyń Óner-bilim ortalyǵy ashyldy.
"MM Ortalyǵynyń" saltanatty ashylýyna qarapaıym jurtshylyqpen birge qazaq estradasynyń juldyzdary, tanymal qoǵaı qaıratkerleri qatysty.
M.Muqanovanyń Ortalyqty ashýdaǵy maqsaty - balalar men jastardyń boıyndaǵy daryndy anyqtap, shyńdaý. Sóıtip, keleshekte óner men bilim aıdynyna alǵyr shəkirtterdi qosý. «Bolashaqta zerek əri ónerge beıim balalardy qalalyq, respýblıkalyq úlken sahnalarǵa shyǵarý josparda bar. Óner əlemindegi jastardyń qataryn tolyqtyrǵymyz keledi», - deıdi ol.
Al: «Úıde, bala tárbıelep otyrǵan Móldir qalaısha ortalyq ashty?», - degen saýalǵa ol: «Tórt bala bolǵannan keıin úıde otyrǵan kelinshek bolyp esepteledi. Biraq, men úıde otyrǵan kelinshek emespin», - dep jaýap qaıyrdy.
Belgilisi, Muqanova Ortalyqty tek basqaryp, qadaǵalap otyrady. Al, sabaqty təjirıbeli mamandar beretin bolady.
Astananyń sol jaǵalaýynda ornalasqan úsh qabatty ásem ǵımaratta ár úıirmege arnalǵan jeke-jeke bólmeleri, zaldary bar. Oqytýǵa qajetti qural-jabdyqtar, sonyń ishinde mýzykalyq ınstrýmentter tolyǵymen qamtylǵan. Mundaı Ortalyqty ashýǵa qansha qarajat jumsalǵandyǵyn M.Muqanova aıtqysy kelmedi.
«Shaǵyn bıýdjetti aıtsam, ótirik aıtqan bolamyn. Úlkenirek etip aıtsam, maqtanǵan bolamyn. Sondyqtan ol jaǵyn qupııa qaldyraıyn», - dep túıdi ol.
Balalarǵa usynylatyn úıirmeler men kýrstar: horeografııa (halyq bıi, hip-hop, waacking, breakdance, salsa, bachata); vokal; akterlik sheberlik; mýzykalyq aspaptarda oınaý (dombyra, gıtara, fleıta, pıanıno); kıim dızaıni, pishý jəne tigin; sýret salýdy úırený; til mektebi (aǵylshyn, túrik, qytaı); matematıka jáne mentaldy arıfmetıka; fızıka; ata-analarǵa arnalǵan kýrstar (balanyń boıyndaǵy kóshbasshylyq daryndy damytý); kəsiptik baǵdar (týa bitken daryndy aıqyndap,ony shyńdaý) jəne t.b.
