Tursynbaı Qulahmet: Jankúıerler Ábilhan Amanqulmen jekpe-jekti kútti
Degenmen boksshy áli de kemshilikter bar ekenin jasyrmaıdy.
«Prezıdent kýbogy týrnırine osymen ekinshi ret qatysyp otyrmyn. Osydan bir jyl buryn da dástúrli týrnırde baq synaǵan edim. Bıyl jeńimpaz atanýdyń sáti tústi. Týrnırde ótkizgen tórt jekpe-jek te ońaı bolǵan joq. Ásirese, fınaldyq básekeniń qıyn soqqany ras. Degenmen, óz jerimizdegi dodada namysqa tyrysyp, bar sheberligimdi saldym. Meniń salmaǵymda biraz myqty sportshylar ósip keledi. Olardyń eshqaısysyn bólip-jarmaımyn. Biraq básekelestiktiń joǵary ekenin moıyndaý kerek. Kópshilik jankúıer Ábilhan Amanqul ekeýmizdiń kezdeskenimizdi qalady. Ókinishke qaraı, Ábilhan kýboktyq doda qarsańynda jaraqat alyp, jarysqa qatysqan joq. Ábilhan bolmasa da, basqa qarsylastarmen judyryqtasý ońaıǵa soqpady men úshin. Áli kemshilikter men qatelikter bar. Ony jeke bapkerim de, ulttyq qurama bapkerleri de aıtyp jatyr», - deıdi Tursynbaı Qulahmet.
Ol endi aldaǵy jarystarǵa daıyndalyp, kemshilikterdi joıý úshin jumys isteıtinin aıtady. Sonymen qatar, bokshysynyń pikirinshe, bıylǵy Prezıdent kýbogy dodasy da óte joǵary deńgeıde uıymdastyrylǵan.