Tursynbaı Qulahmet qarsylasyn 70 sekýndta nokaýtqa jiberdi

DÝBAI. QazAqparat - Dýbaıdaǵy Caesars Palace Dubai arenasynda kásipqoı boks keshi ótti. Onda qazaqstandyq boksshy Tursynbaı Qulahmet (2-0, 1 KO) WBC International chempıonynyń belbeýin sátti qorǵady, dep habarlaıdy QazAqparat Sports.kz resýrsyna silteme jasap.

Ol venesýelalyq Eber Rondonmen (20-0, 13 KO) tıtýldy jekpe-jek ótkizdi.

Aıqas 10 raýndqa sozylady dep kútilgen bolatyn. Nátıjesinde birinshi raýndta Tursynbaı Qulahmet qarsylasyn nokaýtqa jiberdi.

Onyń aldynda ǵana Eber Rondon bir márte nokdaýn alǵan edi. Qazaqstandyq boksshynyń jeńiske jetýine nebári 70 sekýnd kerek boldy.

Osylaısha Tursynbaı Qulahmet kásipqoı boks karerasyndaǵy ekinshi jeńisine qol jetkizdi. Al Rondon úshin bul - sport jolyndaǵy ań alǵashqy jeńilis.

Aıta keteıik, munyń aldynda Tursynbaı Qulahmet ótken jyldyń qarashasynda brıtandyq boksshy Makoleı Makgoýendi (14-2-1, 3 KO) jeńip, WBC belbeýin ıelengen bolatyn.