Tursynbaı Qulahmet ekinshi jekpe-jeginde WBC tıtýlyn ıemdendi
NUR-SULTAN. QazAqparat – Qazaqstandyq boksshy Tursynbaı Qulahmet (1-0, 1 KO) MTK Global promoýterlik kompanııasy uıymdastyrǵan Ońtústik Krıkbıdegi (Ulybrıtanııa) boks keshinde óner kórsetti, dep habarlaıdy QazAqparat Sports.kz saıtyna silteme jasap.
Onda Qulahmet birinshi orta salmaqta WBC International chempıony vakantty belbeýi úshin jeńilip kórmegen brıtandyq Makoleı Makgoýenmen (14-0-1, 3 KO) tıtýldyq jekpe-jek ótkizdi. Toǵyz raýndqa eseptelgen bul aıqas tóreshilerdiń sheshimimen (99-89, 99-89, 99-89) biraýyzdan Tursynbaıdyń jeńisimen aıaqtaldy. Jetinshi raýndta brıtandyq nokdaýnǵa tússe, segizinshi raýndta referı qazaqstandyq boksshynyń esebinen bir upaı shegerdi.
26 jastaǵy qazaqstandyq úshin bul kásipqoı bokstaǵy ekinshi jekpe-jegi bolatyn. Al qarsylasyna keler bolsaq, Makgoýen alǵash ret jeńilis tapty.
