Tursynbaı Qulahmet bokstan álem chempıonatynynyń jartylaı fınalyna ótti
T.Qulahmet shırek fınalda 75 kelige deıingi salmaqta armenııalyq Arman Darchınıanmen kezdesti.
Tursynbaı alǵa umtylǵan qarsylasyn tosyp alyp, judyryǵyn jıirek jumsap, aıaqpen de jyldam qımyldaı bildi.
Tóreshiler biraýyzdan 5:0 esebimen jeńisti T.Qulahmetke berdi.
Tursynbaı Qulahmet buǵan deıin chehııalyq Mılosh Bartldy jáne amerıkalyq Haver Martınesti jeńgen bolatyn.
Bul salmaqtaǵy 2017 jylǵy álem birinshiliginiń kúmis júldegeri Ábilhan Amanqul jaraqattanyp qalǵandyqtan, bıylǵy Azııa chempıonatyna T.Qulahmet baryp, chempıon atanǵan.
Eske sala keteıik, budan buryn qazaqstandyqtardyń shırek fınalda kimdermen kezdesetinin, Sáken Bıbosynovtyń birinshi bolyp jartylaı fınalǵa ótkenin jazǵan bolatynbyz. Ol da armenııalyq sportshymen judyryqtasqan edi.