Tursynbaı Qulahmet bokstan álem chempıonatyn qola medalmen aıaqtady

NUR-SULTAN. QazAqparat – Búgin Reseıdiń Ekaterınbýrg qalasynda ótip jatqan bokstan álem chempıonatynda qazaqstandyq Tursynbaı Qulahmet Qazaqstan qorjynyna ekinshi qola medaldi saldy, dep habarlaıdy QazAqparat tilshisi.

75 keli salmaqta el namysyn qorǵaǵan Qulahmet jartylaı fınalda fılıppındik Eýmır Marsıalmen judyryqtasyp, 5:0 esebimen utyldy.

Tursynbaı Qulahmet ótken jyly Jazǵy Azııa oıyndarynaalǵash ret qatysyp, chempıon atanǵan bolatyn. Mine, álemdik dodaǵa da birinshi ret qatysyp, qola medalǵa qol jetkizdi.

Bul - bokstan álem chempıonatyndaǵy ekinshi qola medal. Osyǵan deıin 52 keli salmaqta taǵy bir otandasymyz Sáken Bıbosynov el qorjynyna alǵashqy júldeni salǵan bolatyn.