Tursynbaeva men Manko AQSh-taǵy «Tórt qurlyq chempıonatyna» qatysady
ASTANA. QazAqparat - Búgin AQSh-tyń Anahaım qalasynda mánerlep syrǵanaýdan «Tórt qurlyq chempıonaty» týrnıri bastalady. Amerıka, Azııa, Afrıka, Avstralııa men Okeanııa aımaǵynyń sportshylary arasyndaǵy iri básekeden qazaqstandyqtar da syrt qalmaıdy, dep jazady Olympic.kz.
05-10 aqpan aralyǵynda ótetin chempıonatqa Qazaqstan atynan Elızabet Tursynbaeva men Nıkıta Manko qatysady.
Elızabet Tursynbaeva týrnırge daıyndyq kezeńin Máskeýde, bapkeri Eterı Týtberıdzeniń qol astynda ótkizdi. Anahaım aıdynynda bizdiń sportshy kil myqtylarmen birge synǵa túspek. Atap aıtar bolsaq, Gran-prı týrnırleriniń jeńimpazy, japondyq Rıka Kıhıra, Maı Mıahara, Kaorı Sakomoto, sondaı-aq Kanadanyń eki dúrkin chempıony Alen Shartrandar chempıonatta baq synaıdy.
«Tórt qurlyq chempıonaty» aıaqtalǵan soń, Tursynbaeva Reseıde ótetin Ýnıversıada oıyndary men Japonııadaǵy álem chempıonatyna qatysady.
Al erler arasynda Nıkıta Manko atalǵan týrnırge alǵash ret qatysqaly otyr.
Áıelder básekesi - 7 aqpanǵa, erler dodasy 9 aqpanǵa josparlanǵan.
Eske sala ketsek, byltyrǵy maýsymda «Tórt qurlyq chempıonatynda» áıelder arasynda japonııalyq Kaorı Sakomota, erler arasynda qytaılyq Tszın Boıan jeńimpaz atanǵan bolatyn.
