Tursynbaeva qysqa baǵdarlamada óner kórsetti
ASTANA. QazAqparat - Qazir ǵana qazaqstandyq mánerlep syrǵanaýshy Helsınkıde ótip jatqan álem chempıonatynda qysqa baǵdarlamadan ónerin kórsetti, dep habarlaıdy QazAqparat tilshisi.
Elızabet Tursynbaeva qysqa baǵdarlamada 65,48 upaı ıelendi. Nátıjesinde úzdik ondyqqa endi. Otandasymyz óz jattyǵýlaryn joǵary deńgeıde oryndap shyqty.
Qysqa baǵdarlama qorytyndysy boıynsha reseılik mánerlep syrǵanaýshy Evgenııa Medvedeva birinshi orynda keledi. Ol 79,01 upaıǵa ıe boldy. Ekinshi jáne úshinshi oryndarǵa kanadalyq mánerlep syrǵanaýshylar Keıtlın Osmond (75,98) pen Gabrıel Deılman (72,19) ıe boldy.
Mánerlep syrǵanaýshylar erkin baǵdarlama jarysyna 31 naýryz kúni shyǵady. Álem chempıonatynyń sportshylar úshin mańyzy joǵary. Sebebi 2018 jylǵy qysqy Olımpıada oıyndaryna joldama upaılary beriletin bolady.
