Tursynbaı Qulahmet Qytaı qazaǵy Toqtarbek Tańatqannan jeńilip qaldy
ASTANA. KAZINFORM – Bolgarııa astanasy Sofııa qalasynda ótip jatqan Strandja kýbogynda qazaqstandyq boksshy Tursynbaı Qulahmet jartylaı fınalda qytaılyq qazaq boksshysy Toqtarbek tańatqannan utylyp, qol júldeger atandy.
Asa tartysty ótken jekpe-jekte jerlesimiz Qulahmet qytaı qazaǵy Tańatqannan 2:3 esebimen jeńilip qaldy.
Osylaısha, 80 keli salmaqta el namysyn qorǵaǵan Tursynbaı Qulahmet «kishi álem chempıonaty» atanyp ketken Strandja kýbogynyń qola júldegeri atandy. Al, Toqtarbek Tańatqan fınalda altyn medal úshin judyryqtasady.
Aıta ketý kerek, Qulahmet eresekter jáne jasóspirimder arasynda Azııa chempıony. Kásipqoı boksta 7 jekpe-jek ótkizip, onyń altaýynda jeńiske jetken.
Al, Toqtarbek Tańatqan bolsa jazǵy Azııa oıyndarynyń chempıony jáne álemniń kúmis júldegeri.
Esterińizge sala keteıik, osyǵan deıin 51 keli salmaqta Sanjar Táshkenbaı ózbekstandyq Asylbek Jalılovty utyp fınalǵa shyqqan bolatyn.
Sonymen qatar 67 kelige deıingi salmaqta el namysyn qorǵap jatqan Dýlat Bekbaýov jartylaı fınalda aljırlik Abdenasser Benlarıbıdy utyp fınalǵa shyqty.
Osylaısha, qazaqstandyq eki boksshy Strandja kýbogynyń altyn júldesine talasady.
Esterińizde bolsa 2023 jyly ótken jarysta Orazbek Asylqulov (57 keli) – kúmis jáne Nurqanat Raıys (75 keli) – qola júldeger bolǵan edi.
