Týrnıkte urshyqsha ıirilgen túrkistandyq 500 myń teńgege ıe boldy

ASTANA. QazAqparat - Túrkistan oblysynyń turǵyny Mádenıet jáne sport mınıstri Arystanbek Muhamedıulynyń qolynan jarty mıllıon teńge júlde aldy. Azamat Sapar «Street Workout» baıqaýy aıasynda týrnıkti urshyqsha ıirile óner kórsete alatynyn tanytty, dep habarlaıdy QazAqparat tilshisi QR Mádenıet jáne sport mınıstrliginiń baspasóz qyzmetine silteme jasap.

Astany qalasynyń 20-jyldyǵyn merekeleý aıasynda «Etnoaýyl» ulttyq-mádenı kesheninde sáýir aıynyń sońynda mınıstr Arystanbek Muhamedıuly bastaǵan «Challenge Street Workout» baıqaýynyń qorytyndysy shyǵaryldy. Bas-aıaǵy baıqaýǵa elimizdiń túrli óńirlerinen 167 ótinim túsken. Sonymen qatar, AQSh, Qytaı memleketterinen de qatysýshylar belsendilik tanytqan.

Qazylar alqasynyń pikirinshe, beınejazbalardyń avtorlary chellendjge asa jaýapkershilikpen qaraǵan. 167 ótinimniń 126-sy qazylar alqasynyń qaraýynan ótti. Almaty, Astana, Taldyqorǵan, Qaraǵandy oblysynan eń kóp ótinim kelip túsken.

«Qatysýshylar arasynda elimizge tanymal Serik Sápıev, Ádil Ahmetov, Qaırat Nurtas, Denıs Ten, Galıb Djafarov, Qanat Islam, Jaqsylyq Úshkempirov, ıÝrıı Melnıchenko, Nurbaqyt Teńizbaev, Áset Imanbaev, Ardaq Nazarov, Móldir Áýelbekova, Melomen toby jáne basqa da sport jáne óner qaıratkerleri bar. Ótinimdi tipti ujym bolyp jibergender bar, olardyń arasynda - Ulttyq shtattyq komandalar rezervi dırektsııasy, Jarkent Arasan shıpajaıy, Aqtóbe oblysynyń sport jáne dene shynyqtyrý basqarmasy, úkimet ókilderi - Mańǵystaý oblysynyń ákimi Eraly Toǵjanov, Almaty oblysy ákiminiń orynbasary Jaqsylyq Omar da qatysqan», - delingen habarlamada.

Arystanbek Muhamedıuly atalǵan chellendjdiń salaýatty ómir saltyn qalyptastyrýda mańyzdylyǵyn atap ótti.

«Osy chellendjdiń qatysýshylaryna alǵys bildiremin. Bul bizdiń sońǵy aktsııamyz emes, biz budan ári de mundaı sharalardy jalǵastyramyz. Biz jaqyn arada Aqtaý qalasynda sport alańyn salamyz», - dedi Arystanbek Muhamedıuly.

Eń úzdik rolıktiń avtory aqtaýlyq Eldar ıAgıaev. Ol 10 myń daýys jınady. Endi onyń qalasynda kásibı kóshe alańy paıda bolady.

Sonymen qatar, Azamat Sapar esimdi Túrkistan oblysynyń turǵyny trıýktardyń áralýandyǵymen tań qaldyryp, 500 myń teńgelik arnaıy syılyqqa ıe boldy. Al Aqtóbe qalasynyń turǵyny, 8 jastaǵy rekordshy Musa Turǵymbaev ta yntalandyrý syılyǵyna ıe boldy. Almatylyq Saıat Dúısenbi de nazardan tys qalmady. Qostanaı qalasynyń ІІM Akademııasy «Úzdik komandalyq beınejazba» atalymynda úzdik shyqty, «Úzdik motıvatsııalyq beınejazba» Tolaǵaı Shynbolatovtyń enshisinde, al Ulttyq shtattyq komandalar rezerviniń beınejazbasy «Eń sapaly vıdeo» atalymynda úzdik atandy.