Turmysy tómen otbasylardaǵy balalarǵa bilim depozıtin ashý aktsııasy bastaldy

ASTANA. QazAqparat -  6 qyrkúıekte «Nur Otan» partııasy men «Jas Otan» JQ «Qarjy ortalyǵy» AQ-men birlese otyryp, depýtattardyń, kórnekti qaıratkerlerdiń, bıznes-qoǵamdastyqtary ókilderiniń Memlekettik bilim berý jınaqtaý júıesiniń (MBJJ) sheńberinde az qamtylǵan otbasylardaǵy balalardyń atyna bilim berý depozıtterin ashý boıynsha «Tabysty bolashaqqa kepildik!» qaıyrymdylyq aktsııasyn bastady, dep habarlaıdy QR BǴM baspasóz qyzmeti . 

Іs-shara «Nur Otan» partııasynyń hatshysy Farhad Shaımuratuly Qýanǵanovtyń alǵy sózimen ashyldy. Ol óz sózinde memlekettiń bul bastamasyn oń tilekterimen qoldap, «Tabysty bolashaqqa kepildik!» naýqanynyń bastalǵandyǵyn jarııalady.

«Jas Otan» jastar qanatynyń ókili Danııar Súndetbaev óz kezeginde mundaı aktsııanyń Qazaqstan jastarynyń keleshegi úshin mańyzdylyǵyn tilge tıek etip, bul bastamaǵa jan-jaqty qoldaý kórsetkenderge alǵys aıtty.

Depýtattar ǵana emes, sondaı-aq barlyq qazaqstandyqtar da óz balalarynyń nemese az qamtylǵan, turmysy tómen balalardyń oqýyna depozıt asha alady.  

MBBJJ - bul ata-ana/qamqorshy óziniń nemese balanyń atyna MBJJ-ǵa qatysýshy-bankte bilim berý depozıtin ashyp, banktiń syıaqysy men memlekettiń syılyqaqysynan quralatyn  21 %-ǵa deıingi jyldyq tabystylyqpen bolashaqta bilim alý maqsatynda qarajat jınaýǵa múmkindik alatyn bilim alýdyń qoljetimdiligin arttyrýǵa baǵyttalǵan memlekettik shara.

Іs-sharaǵa QR Parlamenti depýtattary, «Qarjy ortalyǵy» AQ-nyń, QR Bilim jáne ǵylym mınıstrliginiń ókilderi, «Nur Otan» partııasynyń  ortalyq apparaty men aımaqtyq fılıaldarynyń, «Jas Otan» JQ-nyń ókilderi qatysty.