Turmysy tómen azamattarǵa turǵyn úı kómegin kórsetýdiń jańa tetigi ázirlendi

Búgin QR Parlamenti Májilisinde ótken Úkimet saǵatynda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın osylaı málim etti, dep habarlaıdy QazAqparat.

Sóz arasynda Agenttik tóraǵasy byltyrǵy jyly turǵyn úı sektorynda reformalaý jumystaryn júrgizý úshin birqatar zańnamalarǵa ózgerister men tolyqtyrýlar engizilgenin atap ótti. Onyń aıtýynsha, bundaı zań normalarynda elimizdegi tabysy az azamattarǵa turǵyn úı kómegin kórsetýdiń jańa tetigi qarastyrylyp otyr. «Turǵyn úı kómegin kórsetý tetigine sáıkes, tabysy az azamattar úshin kommýnaldyq qyzmetterdi tóleýge jáne úıdiń ortaq múlkin ustaýǵa arnalǵan shyǵyndary otbasy tabysynyń belgilengen úlesinen asyp ketse, onda sol asyp ketken somany memleket tóleıtin bolady. Bul rette otbasy kirisiniń kórsetilgen úlesin máslıhattar belgileıdi. Búgingi kúni respýblıkanyń ár túrli óńirlerinde osy úles 5 paıyzdyn 20 paıyzǵa deıingi aralyqty qamtyp tur», dedi S. Nokın. Sonymen birge bundaı kondomınımým nysanynyń ortaq múlkin ustaýǵa qatysty turǵyn úı kómegi - jekeshelendirilgen páterlerde turatyn jáne memlekettik turǵyn úı qorynan páterler jaldap turatyn azamattarǵa ǵana beriletin bolady.