Turmystyq zorlyqqa qatysty jaýapqa tartylǵandardyń 80 paıyzy esh jerde jumys istemegender

NUR-SULTAN. QazAqparat – Turmystyq zorlyq-zombylyqqa qatysty jaýapqa tartylǵandardyń 81% -y esh jerde jumys istemegender. Bul týraly Ortalyq kommýnıkatsııalar qyzmetinde ótken brıfıngte aıtyldy, dep habarlaıdy QazAqparat tilshisi.

«Sońǵy bes jylda áıelder men balalardyń quqyqtaryn buzatyn qylmystar sany eki esege azaıdy. Sonymen qatar, karantın jáne qatań oqshaýlaý jaǵdaıynda turmystyq zorlyq-zombylyq problemasy kúsheıe tústi. Mundaı jaǵdaı qazirgi kezde kóptegen elde bolyp jatyr. Ótken jyldyń sońynda osyndaı qylmys sany 4,7% ósti», - deıdi QR ІІM Ákimshilik polıtsııa komıteti tóraǵasynyń orynbasary Alekseı Mılıýk.

Onyń aıtýynsha, tirkelgen qylmystyq quqyq buzýshylyqtardyń jalpy sanymen salystyrǵanda otbasylyq qylmystyń úlesi az, bar bolǵany 1% quraıdy.

«Sonymen qatar, turmystyq zorlyq-zombylyq qurbandarynyń 50% -dan astamy – áıelder bolsa, 6,4%-y – kámeletke tolmaǵandar. Ádette, mundaı quqyq buzýshylyqtardyń jartysy mas kúıde jasalady. Turmystyq zorlyq-zombylyqqa qatysty jaýapqa tartylǵandardyń 81% -y esh jerde jumys istemegender», - deıdi ol.