Turmystyq zorlyq-zombylyqtan jábir kórgenderdi «dabyl belgisimen» qamtamasyz etý usynyldy

Bundaı usynysty búgin Astanada ótken «dóńgelek ústelde» Krızıstik ortalyqtar odaǵynyń tóraıymy Zúlfııa Baısaqova málim etti.

«Bıznes-qurylymdardyń ókilderi bizge «dabyl túımeshesi» bar telefondy tanystyrdy. Bul devaıs qymbat emes, shamamen aıyna kórsetiletin qyzmet úshin 2 myń teńgeni quraıdy jáne telefon apparatynyń quny da osy deńgeıde. Osyndaı devaısty der kezinde belgi berý úshin turmystyq zorlyq-zombylyq jábirlenýshisine, ıaǵnı qorǵaý týraly uıǵarym jasalǵan adamǵa tabystaý qarastyryldy»,-dedi ol.

Onyń sózen qaraǵanda, atalǵan qurylǵyny tapsyrar aldynda aldyn ala tıisti jumystar atqarylady. ıAǵnı, áreket etý úshin jaqynda ornalasqan qyzmetter qosylyp, qajet bolǵan kezde jyldam jetýge múmkindik jasalady.

«Bul turǵyda quqyq qorǵaý organdary, jedel-járdem ókilderi bolýy kerek. Sonymen qatar osynda kórshileri de qosylǵan jón. Krızıstik ortalyqtar odaǵy mobıldik topqa enýi tıis jedel áreket etý qyzmetkerlerin daıarlaý boıynsha úılestirý sharalaryn óz moınyna alýǵa qaýqarly»,-dedi Z. Baısaqova.