Turmystyq zorlyq-zombylyqqa aıyptylardy qandaı jaza kútip tur

NUR-SULTAN. QazAqparat – «Habar» telearnasyndaǵy «Jeti kún» baǵdarlamasyna bergen suhbatynda Bas prokýrordyń orynbasary Marat Ahmetjanov otbasylyq-turmystyq qarym-qatynastar salasyndaǵy quqyq buzýshylyqtar týraly zańnamadaǵy sońǵy ózgeristerge túsinik berdi, dep habarlaıdy QazAqparat tilshisi.

«Birinshi eskertý jasalady dep aıttyńyz. Ol eskertýge kónbeı, úı ishiniń taǵy da shyrqyn buzatyn bolsa, bul adam qamaýǵa alynady. Keıin qamaýdan shyǵyp, taǵy da úı ishiniń berekesin alatyndarǵa shara qoldaný kózdelgen be?», - dep surady telearna tilshisi Bas prokýrordyń orynbasarynan.

Óz kezeginde Marat Ahmetjanov mundaı jaǵdaıda tıisti jaza eskerilgenin atap ótti.

«Eskertý degen bárine birden qoldanylmaıdy. Sot istiń mán-jaıyn zerdelep, adamnyń áreketterine nazar aýdarady. Osy oraıda atalǵan adam jasaǵan quqyq buzýshylyǵyna ókinip jatyr ma? Jábirlenýshi ony keshirdi me? Tolyq moıyndap, keltirgen zalalyn ótep jatyr ma? ıAǵnı bul jaǵdaılardyń barlyǵyna baǵa berilip, sosyn ǵana eskertý jasalady. Al eger bul quqyq buzýshylyq qaıtalanyp jatsa, ol adam 20 táýlikke deıin qamaýǵa alynady. Eki jáne odan kóp márte qaıtalansa, onda bul is qylmystyq qýdalaýǵa jatady», - dep túsindirdi QR Bas prokýrorynyń orynbasary.

Bul turǵyda júıeli túrde jábirleý máselesi eskerilip, 7 jylǵa deıin bas bostandyǵynan aıyrý kózdelip otyr.

«Sotta qaralǵannan keıin, sot sheshimi qabyldanǵan jaǵdaıda, osy oqıǵalar tizimge engiziledi. Bul faktiler jabýly qazan kúıinde qalmaıdy, ıaǵnı osynyń barlyǵy minezdeme retinde qaralady», - dedi ol.